Pan con sorpresa

Orixinal cea para rematar un duro día. Toda unha sorpresa cando as nenas lle levantaron o sombreiro.

INGREDIENTES DA MASA DE PAN:

• 350 gr. de auga
• sal
• unhas gotas de aceite
• 40 gr. de levadura
• 600 gr. de fariña de forza (empreguei 200 de integral e 400 de forza)

ELABORACIÓN:

1. Quentar a auga co sal e o aceite 2 minutos, 37º e velocidade 2.
2. Mesturarlle a levadura uns segundos a velocidade 4.
3. Engadir a fariña e mesturar 15 segundos, velocidade 6 e logo 3 minutos velocidade espiga.
4. Dividir a masa en catro pedazos, darlle forma de bolos e deixar levedar uns 30 minutos. Levar ao forno a 180º uns 25 minutos.
5. Baleirar o miolo do pan e encher con patacas fritas con pementos, cubrir cun ovo frito e poñerlle o sombreiro. O miolo do pan non o tirei, mañán contareivos o seu destino

E por último, animádevos a facelo porque é unha sorpresa.