Puding de pan cremoso

Ola chicas, pois aquí está a miga de pan que saquei dos "bolos sorpresa". Resultou moi sabroso¡¡¡.

INGREDIENTES:

• Caramelo líquido para o molde.
• A pel de medio limón (só a parte amarela)
• 100 gr. de azúcre
• 300 gr. de leite
• 250 gr. de miga de pan
• 4 ovos
• 100 gr. de nata líquida
• 1 culleriña de azúcre de vainilla

ELABORACIÓN:

1. Cubrir o fondo e as paredes do molde co caramelo líquido.
2. Poñer no vaso a pel do limón e o azúcre, pulverizar 30 segundos, velocidade progresiva 5-10. Baixar os restos das paredes do vaso e da tapa.
3. Engadir o leite e programar 2 minutos, 90º, velocidade 2.
4. Engadir o pan en pedazos e programar 30 segundos, velocidade 3. Reservar noutro recipiente.
5. Poñer os ovos no vaso e programar 15 segundos, velocidade 3.
6. Engadir a nata e mailo azúcre de vainilla, mesturar 10 segundos velocidade 3.
7. Mesturar o pan e o leite que reserváramos, 15 segundos, velocidade 3.
8. Verter no molde caramelizado e pechalo ben, coa tapa ou con papel de aluminio. Poñer un pano limpo encima do molde e colocalo no Varoma.
9. Verter 1 litro de auga no vaso e programar 50 minutos, Varoma, velocidade 2. Despois deste tempo comprobar que está o puding feito pinchandoo cunha agulla. Se non sae limpa, programar uns 5 minutos máis. Deixar enfriar e desmoldar. 
10. Disfrutar dun postre ben rico. Eu non era moi afeccionada ao puding, pero este gustoume.